Vestfirsk náttúruverndarsamtök stofnuð 5. apríl

Um þessar mundir hefur undirbúningshópur unnið að því að endurreisa virðuleg samtök sem störfuðu hér á árum áður á Vestfjörðum og heita vestfirsk náttúruverndarsamtök. Samtökin hafa verið óvirk í 20 ár eða um það bil.Endurlífgunin mun eiga sér stað í Hömrum á Ísafirði laugardaginn 5. apríl kl. 14.00. Á fundunum verða flutt áhugaverð erindi auk þess sem kosin verður ný stjórn og samþykktir fyrir samtökin. Á fundinum mun Þórunn Sveinbjarnardóttir umhverfisráðherra  flytja ávarp auk þeirra Árna Finnssonar formanns Náttúruverndarsamtaka Íslands og Ómars Ragnarssonar, fjölmiðlamanns, stjórnmálamanns, náttúruunnanda eða bara lífskúnstners.

Nú þegar hefur fjöldi fólks skráð sig í samtökin og hvet ég alla til að mæta á fundinn eða skrá sig í samtökin. Hægt er að setja sig í samband við undirritaða með tölvupósti á [e-mail]

Athugasemdir

[Lára Hanna Einarsdóttir, 31.3.2008 kl. 09:58]

Viltu skrá mig í samtökin, Bryndís? Sendi þér nauðsynlegar upplýsingar í tölvupósti. Ég vil endilega vera með.

[Bryndís G Friðgeirsdóttir, 31.3.2008 kl. 10:29]

Ég skrái þig Lára mín og læt þig fylgjast með.

[Lára Hanna Einarsdóttir, 31.3.2008 kl. 10:32]

Kærar þakkir.
Var að taka eftir því að netfangið þitt er vitlaust í færslunni - r í stað s í nafninu þínu!

[Lára Hanna Einarsdóttir, 31.3.2008 kl. 10:32]

Aha... þú ert búin að laga það! 

[Stefán Gíslason, 31.3.2008 kl. 15:53]

Gott framtak! Gangi þér vel í undirbúningnum!
Bestu kveðjur vestur

[Valgerður Halldórsdóttir, 1.4.2008 kl. 21:21]

Gott framtak  með bestu kveðju frá Hafnarfirði