Við stelpurnar á heimilinu hlupum saman í dag

 

Bryndís, Bryndís Helka, Svanlaug, Ísabella og Kata

Við stelpurnar í fjölskyldunni hlupum saman í dag á Ísafirði í kvennahlaupinu, Bryndís Hekla hljóp í kerru með Svanlaugu mömmu sinni og dóttur minni, tvíburarnir þeirra Kötu og Steina sonar míns hlupu í vagni með sinni mömmu og Ísabella yngri dóttir mín hljóp líka með okkur, barnlaus enda er hún ekki nema þrettán. Við hlupum sem sagt allar stelpurnar í fjölskyldunni og ungarnir líka. Fjöldi kvenna tók þátt í hlaupinu á Ísafirði í yndislegu veðri, hlýju og björtu.  Konur á öllum aldri tóku þátt, sumar í hjólastól sumar gangandi, aðrar skokkandi og enn aðrar hlupu á harða spretti eins og t.d. hún Ísabella mín sem hljóp sjö kílómetra. 

Svanlaug, Bryndís Hekla og Kata. Tvíburarnir Már Óskar og Valdís Rós í vagninum

Þarna er hún Arna Lára Jónsdóttir bæjarfulltrúi Samfylkingarinnar á Ísafirði fremst á myndinni

Athugasemdir

[Guðrún Emilía Guðnadóttir, 8.6.2008 kl. 17:55]

Blessuð Bryndís Milla heiti ég, get ekki orða bundist að tala um myndirnar frá í dag,
það er svo gaman að sjá kunnugleg andlit og yndislegu fjöllin í baksýn.
Eru tvíburarnir barnabörnin þín?
                          Kveðjur vestur
                             Frá Millu á Húsavík. Áður í Sundstrætinu.

[Bryndís G Friðgeirsdóttir, 8.6.2008 kl. 19:42]

Já tvíburarnir eru barnabörnin mín, átta mánaða kríli. Þú geturséð fullt af myndum að Vestan á http://skutull.is/

Kveðja,

Bryndís

[Guðrún Emilía Guðnadóttir, 8.6.2008 kl. 19:51]

Til hamingju með þau og allt þitt fólk.
Ég mun kíkja inn á Skutul, þó maður eigi fullt af myndum sjálfur, er maður eigi svo oft að taka þær fram.
                                      Kveðja
                                       Milla.

[Sigríður Þóra Magnúsdóttir, 9.6.2008 kl. 20:19]

Vá hvað það er gaman að sjá allt þitt fólk ,rosalega eruð þið líkar það er gaman að eiga svona duglegar frænkur .

kveðja

Sigga Þóra  

[Faktor, 9.6.2008 kl. 20:23]

Gaman að sjá þennan föngulega hóp kvenna, þú og þínar!  Það sást ekki í þá yngstu ? 

Kveðja,

Mamm´ennar Rakelar

[Þóra Kristín Ásgeirsdóttir, 10.6.2008 kl. 17:34]

duglegar eru þið !

Vona að allt gangi vel.

Kv Þóra :)