Nú herjum við á Möllerinn

Nú er röðin komin að Kristjáni Möller samgönguráðherra. Ég hef ekki látið mitt eftir liggja í því að krefja samgönguráðherra um vegabætur á Vestfjörðum og oftast fengið bágt fyrir hjá bæjaryfirvöldum í Ísafjarðarbæ.  Þau hafa allt of oft ályktað um samgöngumál á þennan hátt "mikið hefur áunnist og það ber að þakka" Sturla Böðvarsson fékk röng skilaboð frá bæjaryfirvöldum í Ísafjarðarbæ og leit því svo á að ekki þyrfti að hafa miklar áhyggjur af vegabótum á því svæði.  Ef einn vegspotti var lagfærður þá var blásið í fagnaðarpípurnar og keyptar snittur og öllum boðið í hófið.

Þrátt fyrir þakklæti og fínar veislur eru Vestfirðingar enn að berjast fyrir því að komast inn í nútímann hvað varðar samgöngur. Þetta á bæði við um vegina sem við keyrum á og háhraðatengingar sem flytja upplýsingar milli manna í gegnum grunnnetið sem var einu sinni eign Landssímans. Nú er komið að þér Kristján Möller. Á þér hvílir sú skilda sem samgönguráðherra að byggja upp nútímalega vegi og koma á tengingu.

Kristján þú verður rukkaður um þetta allt kjörtímabilið. Þetta er fyrsta áskorun mín og vonandi þurfa þær ekki að vera mjög margar.   

Athugasemdir

[Jón Ingi Cæsarsson, 23.1.2008 kl. 17:51]

Sammála en ekki gleyma að herja á fjármálaráðherra líka því samgönguráðherra gerir ekkert án peninga.

[Marinó Már Marinósson, 23.1.2008 kl. 23:14]

Sammála þér Bryndís.  Löngu komin tími á að bæta samgöngur á öllum Vestfjörðum.

[Lára Hanna Einarsdóttir, 30.1.2008 kl. 11:15]

Bryndís... ég hef verið að senda þér tölvupóst, bæði með og án stórra viðhengja, en fæ allt í hausinn aftur. Hefurðu fengið eitthvað frá mér?

[Bryndís G Friðgeirsdóttir, 30.1.2008 kl. 22:57]

Rétt hjá þér Henry. Þetta snýst fyrst og fremst um búsetu hér fyrir vestan og veita aðhald á réttum stöðum. Nýju fötin keisarans eru í skápnum hjá Sturlu.  

[Gló Magnaða, 5.2.2008 kl. 10:28]

Við verðum að pressa á þetta lið að klára þetta. Maður veit aldrei hvenær einhverjum bjánanum dettur í hug að friða þessa vegi.

[Matthildur Ágústa Helgadóttir Jónudóttir, 5.2.2008 kl. 23:42]

Ég gat ekki skilið orð Ólafar Valdimars í Speglinum um daginn öðru vísi en að hún vildi friða okkur.  Vegirnir væru ekkert svo slæmir, hún kæmi vestur einu sinni á ári og þætti þetta allt í lagi.