Hvenær er komið nóg?

Heyrði í útvarpinu í morgun enn eina dapurlegu fréttina frá Írak. Fyrrverandi yfirmaður Bandaríkjahers og uppgjafa hershöfðingi Ricardo Sanchez sagði á fréttamannafundi á föstudag Bandaríkjamenn heyja örvæntingafullt stríð án árangurs. Þetta á bæði við um stríðið í Írak og hina svokölluðu baráttu gegn alþjóðlegum hryðjuverkum.  Ætla þeir kannski að skúrkast þarna niðurfrá þar til þeir finna sér nýtt ríki til að ráðast á?

Fréttin á Rúv  

http://ruv.is/heim/frettir/frett/store64/item173288/ 

 

 

Athugasemdir

[Guðrún Helgadóttir, 18.10.2007 kl. 10:39]

Já það er eins og öll skynsemi og mannúð hafi gufað upp á sviði öryggismála á Vesturlöndum. Í stað þess að takast á við rót vandans, sem er pólitísk og snýst um misskiptingu í heiminum eru stjórnvöld, hermálayfirvöld og lögregluyfirvöld önnum kafin við að stinga höfðinu í sandinn og eyða gífurlegum fjármunum, orku og tíma fólks í svokallaðar öryggisráðstafanir. Ég var að koma frá Englandi og Stansted er allsekki versti flugvöllurinn að fara um, en tíminn og peningarnir sem fara í að eltast við naglaklippur og gera handáburð upptækan í nafni stríðsins gegn hryðjuverkum er sorgleg sóun og skilaboðin sem í þessu felast eru svo röng.

[Helga Guðrún Eiríksdóttir, 28.10.2007 kl. 17:15]

Já sko, þeir ættu að skammast heim til sín og halda sig þar. Eins með Breta, almenningur hér er löngu kominn með ógeð á þessu úthaldi þarna svo og drápum á unga fólkinu sem gekk í herinn af barnaskap og misskildri þjóðernisvitund en kemur nú heim í kössum undir þjóðfánanum. Lítil sæmd í því, þegar upp er staðið.