Að hugsa sér frið.

Að hugsa sér firð. Það var glæsilegt að horfa á þegar tendrað var á friðarsúlunni í Viðey. Ég var að vísu ekki á staðnum en sá þessa látlausu athöfn í beinni í sjónvarpinu.  Yoko Ono hélt stutt ávarp og sagði að súlan væri gjöf frá henni og John Lennon til íslensku þjóðarinnar. Súlan er tileinkuð Lennon sem hefði orðið 67 ára í dag. Barnakórinn sem söng lagið Imagine á íslensku í þýðingu Þórarins Eldjárns var til sóma og ekki spillti fyrir að allir voru í lopapeysum. Eitthvað svo íslenskt í ískaldri nepjunni að hugsa sér frið úti í Viðey.  Nú geta landsmenn farið að syngja Imagine, að hugsa sér frið á hinu ylhýra. Ég hefði samt kosið að vera laus við þennan Natofund sem haldinn er í Reykjavík einmitt nú á þessari stundu. Ætli Natoliðið sé nokkuð að hugsa um firð á þessum fundi. Er ekki líklegra að einhverjir á fundinum séu að skipuleggja loftárásir á eitthvert ríki úti í heimi til að stilla til friðar eða koma spilltum einræðisherra frá völdum?

Athugasemdir

[Ingigerður Friðgeirsdóttir, 10.10.2007 kl. 14:29]

Sæl systir já það var nú gaman að sjá þetta gerast og það hefði líka verið ágætt ef NATO fundurinn hefði verið á öðrum stað á öðrum tíma.Barnakórinn sem söng er kórinn úr Kársnesskóla, kórinn sem Egill Jóhann var í þegar hann var í skólanum Tóta kórstjóri er alveg frábær og er alltaf með frábæra söngfugla.Ég var bara svolítið spæld hvað það var mikið talað á meðan þau voru að syngja alltaf gaman að hlusta á þennan kór og Tóta þjóðleg með þau öll í lopapeysum!

Bestu kveðjur að sunnan Ingigerður. 

[Linda Ósk Sigurðardóttir (IP-tala skráð) 10.10.2007 kl. 23:03]

Góð pæling Bryndís mín.....vonum það besta.