Okkar fulltrúi á staðnum kallaður heim frá Írak

Nú hefur okkar fulltrúi á staðnum verið kallaður heim frá Írak, sá eini sem stóð vaktina fyrir okkar land, fánann og föðurlandið. Framsókn var alveg bit, eða var það bara Valgerður sem var bit?  Við hin vorum líka bit þegar íslenskir friðaðgæsluliðar voru sendir til Írak til að skakka leikinn eftir að Kaninn hafði fengið umboð frá Davíð og Halldóri til að lúskra á saklausum borgurum í Írak sem ekkert höfðu til saka unnið annað en að hafa yfir sér slæman forseta. Nú ríkir þar borgarastyrjöld sem ekkert lát er á. Nýr utanríkisráðherra Ingibjörg Sólrún Gísladóttir hefur nú ákveðið að kalla þennan eina aðila heim og lýst því yfir að Íslendingar muni rétta þessari stríðshrjáðu þjóð hjálparhönd með því að aðstoða flóttafólk frá Írak sem heldur til í búðum í Sýrlandi, Jórdaníu og öðrum nágrannalöndum  og getur ekki snúið til síns heima. Við eigum að aðstoða þessa þjóð, hún á það svo sannarlega inni hjá okkur.   

Athugasemdir

[Guðrún Helgadóttir, 17.9.2007 kl. 13:06]

Sammála, það verður að snúa af þeirri braut sem forverar Ingibjargar Sólrúnar voru farnir að feta í átt til beinnar þátttöku í átökum. Okkar hlutverk er að byggja upp og okkar kraftar nýtast best undir merkjum hlutleysis og mannúðar. 

[Arna Lára Jónsdóttir, 17.9.2007 kl. 19:20]

Já, ISG er heldur betur að standa sig í Utanríkisráðuneytinu.

[Jóhannes Ragnarsson, 5.10.2007 kl. 18:17]

Það er ekki nóg að kalla þennan eina ,,friðagæsluliða" heim. Það verður að afturkalla stuðning Íslands við innrás glæpamannanna Bush og Blair krata í Írak. Það er ekki nóg að harma eins og frú Ingibjörg Sólrún gerði í vor eftir að hún skreið uppí hjá íhaldinu. Það verður að ganga alla leið.