Kvennahlaup á ísafirði

Við mæðgurnar hlupum með dætrum okkar í dag í yndislegu verðri á Ísafirði.  Bryndís Hekla tveggja ára dótturdóttir mín ''hljóp í kerru'' með móður sinni og  sagði stöðugt; " þetta er ekki kvennahlaup, þetta er konuhlaup."  Ég sagði Svanlaugu dóttur minni að sjálf hefði hún kallað þetta Finnahlaup þegar hún hljóp í kerru á þessum aldri.  Dætur mínar hlupu báðar með mér á árum áður, fyrst í vagni svo kerru og nú á tveimur fótum. Núna hleypur barnabarnið í kerrunni sinni með mömmu sinni.  Skemmtilegt þetta með endurtekninguna. Kannski á Ísabella Ósk eftir að hlaupa með sína dóttur í vagni, kerru og svo saman á sínum tveimur.  Vonandi hlaupum við þá allar saman eins og nú. Góður dagur!

Athugasemdir

[Guðrún (IP-tala skráð) 16.6.2007 kl. 20:34]

Duglegar amma, mæðgur, systur , barnabarn og frænkur !

[Arna Lára Jónsdóttir, 16.6.2007 kl. 21:01]

Þið eruð ótrúlega flottar.

[Helga Guðrún Eiríksdóttir, 16.6.2007 kl. 23:24]

Æðislegt! Fleiri myndir takk :)  x

[Ingigerður Friðgeirsdóttir (IP-tala skráð) 17.6.2007 kl. 14:00]

Gaman að fá svona góða mynd af ykkur saman. Ég er búin að prenta eina út fyrir pappann, afann og langafann. Bestu kveðjur vestur.

Ingigerður

[Herdís Sigurjónsdóttir, 17.6.2007 kl. 19:38]

Glæsilegt hjá ykkur stelpur, meiriháttar mynd Bryndís. Ég skrópaði þetta árið, en litlan hljóp með ömmu og stóra bróður. Mamma var að græja útskriftarveislu fyrir saumóvinkonu.

þjóðhátíðarkveðja úr Mosfellsbænum

[Valgerður Halldórsdóttir, 18.6.2007 kl. 12:16]

Flotta konur! Það var líka fínt í Garðabæ  en kannski maður ætti að stefna á Ísafjörð næst - hef aldrei komið þangað