Skýrsla Hafró - það er eitthvað skakkt við þetta !

Hafró birti skýrslu sína í gær um nytjastofna og aflahorfur og ekki er útlitið bjart, maður lifandi!  Nú er lagt til að ekki verði veitt meira en 130 þúsund tonn af þorski, takk fyrir.  Hvernig má það vera að því minna sem úthlutað er af þorskveiðiheimildum því lakari verður stofninn.     130 þúsund tonn!  Það var verið að veiða 360 þúsund tonn ár eftir ár á árunum 1975 til 1980 og stofninn stækkaði og stækkaði. Er ekki eitthvað skakkt við þetta?  Átti kvótakerfið ekki að styrkja sjávarbyggðir og vernda stofninn.  Nú hefur þetta snúist upp í andhverfu sína. 

Í stjórnarsáttmála nýrrar ríkisstjórnar undir kaflanum kraftmikið atvinnulíf kemur fram að “Gerð verði sérstök athugun á reynslunni af aflamarkskerfinu við stjórn fiskveiða og áhrifum þess á þróun byggða.” Varla er þetta ákvæði sett þarna inn nema það eigi að gera eitthvað við niðurstöðuna.   Íslenska þjóðin á því heimtingu á að þessi athugun verði gerð tafarlaust af óháðum aðilum.  Hvorki Hafró eða sjávarútvegsráðuneytið ættu að hafa puttana í þeirri vinnu. Enga ríkisvísindamenn! 

Já, talandi um ríkisvísindamenn, var ekki gullkarl hér fyrir vestan að tala um það fyrir nokkrum árum að Hafró væri meinvarp á þjóðinni og  ætti því betur heima undir háskóla en ráðuneyti?  Jú, það er eitthvað skakkt við þetta!

 

Athugasemdir

[Gunnar Þórðarson, 6.6.2007 kl. 07:56]

Ég vil ráðleggja þér Bryndís áður en þú gerir svona lítið úr heilli starfstétt, fiskifræðingar, að lesa þig örlítið til um málefni sem er mjög mikilvægt fyrir Vestfirðinga.

Inn á vef Hafró er skýrsla ,,Nytjastofnar sjávar 2006/2007" Það er ágæt lesning áður en vaðið er af stað með stóryrði og sleggjudóma.

Annað sem rétt er að benda á að aldrei hefur verið farið að ráðleggingum Hafró. Núverandi veiðregla er 25% af Viðmiðunarstofni (4 ára +) en raunveiði hefur verið 31%. Veitt hefur verið allt að 135.000 tonnum umfram ráðgjöf Hafró.

Ég geri meiri kröfu til fyrrverandi bæjarfulltrúa og varamann á þingi heldur en hvers sem er. Ef þú telur þig eiga erindi í umræðu um stærð nytjastofna skaltu byrja á að lesa þig til.

Gunnar Þórðarson 

[Bryndís G Friðgeirsdóttir, 6.6.2007 kl. 22:36]

Gunnar Þórðarson. Það er gott að vita að þú gerir kröfur til mín. Veistu það Gunnar Þórðarson að margir af þínum félögum eru farinr að viðurkenna að það er eitthvað skakkt við þetta enda þarf ekki skarpa manneskju til að sjá að það.  Jafnvel próflausir velta vöngum. Þú segir að ALDREI hafi verið farið eftitr ráðleggingum  Hafró en skil ekki af hverju þú kýst að skoða ekki undanfarin 6 ár.  Varðandi ríkisvísindamenn þá var það Einar Oddur YKKAR þingmaður sem sagði fyrir nokkrum árum að Hafró væri eins og meinvarp á þjóðinni.  Ég hélt að nú ætlaði sjálfstæðisflokkurinn þinn loksins að fara að gera eitthvað af viti en viti menn,  Einar  þagnaði skyndilega. Skrýtið!