Hvað kom svona á óvart með Flateyri?

Furðulegt að heyra þingmenn og ráðherra hér fyrir vestan tala um að sala á aflaheimildum á Flateyri hafi komið þeim á óvart.  Þetta er einmitt það sem hangir yfir höfðinu á íbúum í hverju einasta sjávarútvegsplássi á Íslandi.  Þetta er líka alltaf að gerast, aftur og aftur, á hverju einasta ári.  Samt kemur þetta þeim gjörsamlega í opna skjöldu.  Í hvaða heimi lifa þessir menn?  Svo koma þeir fram í fjölmiðlum og segja að þetta sé allt saman háum vöxtum og háu gengi um að kenna.  Auðvitað getur það verið einn partur af vandanum, en hverjir sköpuðu þetta umhverfi í efnahagsmálum?  Það var ekki náttúruafl, það var gert með handafli.  Hverjir hafa sett á kvótakerfið og staðið vörð um það?  Það er heldur ekki náttúruafl það er líka gert með handafli.  Nú segja sömu menn og beittu þessu handafli að sala á aflaheimildum komi þeim gersamlega á óvart.  Nú tala þeir enn einu sinni um sértækar aðgerðir í byggðamálum, ekki heildarlausnir í byggðastefnu á Íslandi.  Þessu þarf að breyta,,, með handafli,,, því þetta er ekki náttúrulögmál. 

Athugasemdir

[Georg Eiður Arnarson, 21.5.2007 kl. 21:26]

Gaman væri að sjá hugmyndir Samfylkingarinnar í sjávarútvegsmálum ( ef þær eru til)?

[Bryndís G Friðgeirsdóttir, 21.5.2007 kl. 22:52]

Já nú er komið að Samfylkingunni og þó fyrr hefði verið, því þá væru t.d. Flateyringar ekki í þessari óvissu í dag.

[Bryndís G Friðgeirsdóttir, 22.5.2007 kl. 21:00]

´Bjarni, ég mundi velja peningana, ekki spurning.  Hefði ekki siðferðisþrek til að gera annað.  Það er þess vegna sem við erum að tala um ólög.  Þetta hefur ekkert með einstaklingana að gera. Þetta er verk löggjafans.

[Ingigerður Friðgeirsdóttir (IP-tala skráð) 23.5.2007 kl. 20:44]

Sæl systir þetta á ekki að koma nokkrum Íslendingi á óvart að kvótakerfið er að fara með útgerðarplássin á vonar völ. Ég man að fyrir rúmum 20 árum fyrir tíð kvótakerfisins þá voru vinnsluhúsin að drukkna í fiski og alltaf nóg að gera blómstrandi mannlíf og allt á fullu. Gott blogg hjá þér , góðar kveðjur vestur.