Óvirðing við pabbana

Mikil óvirðing er þetta við pabbana, að halda að þeir séu viljalausar skepnur sem eru settar í pössun meðan konurnar, væntanlega mömmurnar, fara og versla. Ef pabbarnir vilja ekki fara í búðir þá fara þeir einfaldlega ekki í búðir af því mömmurnar komast alveg aleinar í búðir. Þær keyra sjálfar og allt. Og skilja pabbana stundum eftir heima. Pabbarnir fara líka alveg aleinir í búðir og kaupa meira að segja í matinn. Þeir kaupa líka föt á sjálfa sig og börnin. Þeir þurfa ekkert að setja mömmuna í pössun á meðan. Svona er Ísland í dag. Ætli Hagkaup viti af þessu?

Pabbar í pössun í Hagkaupum

Athugasemdir

[Geiri.is (IP-tala skráð) 29.11.2007 kl. 18:32]

Þessi fyrirsögn er EKKI komin frá Haugkaup, heldur einungis fréttamanninum, Hagkaup er með þetta afdrepi fyrir alla ekki bara pabba.

[Bryndís G Friðgeirsdóttir, 29.11.2007 kl. 18:46]

Þá er þetta hin furðulegasta fyrirsögn hjá blaðamanni eða hjá Mogganum og ekki lýgur Mogginn. Ætli Mogginn viti af þessu.

[Ingigerður Friðgeirsdóttir, 29.11.2007 kl. 22:42]

Hvort sem fyrirsögnin er blaðamannsins eða Hagkaups er þetta mjög hallærislegt afþreyingarhorn. Við förum jú bara í búðir til að versla nú ef maðurinn nennir ekki í búð þá er hann bara heim eða öfugt.

[Þórhildur Helga Þorleifsdóttir, 1.12.2007 kl. 11:11]

Bíð eftir svona horni í Veiðimanninum eða Ellingsen

[Marinó Már Marinósson, 1.12.2007 kl. 21:52]

Isss  Ég er nú ekki viðkvæmur fyrir þessu.      Voða gott að hvíla lúin bein og hafa sjónvarp er bara plús.    Þið skiljið greinilega ekki hvað það getur tekið á að versla inn og sérstaklega ef ekki er samkomuleg um innkaupalistann.    

kveðja vestur